مطلوب منى

مطلوب منى اقعد فى البيت .....واحكى للاولاد حواديت

واخرس وامشى جنب الحيط.....وابيع دماغى وابقى عبيط


واشوف تليفزيونا المصــــــرى .........والتت وادلع مع نفسى


واسمع نانسى وتامر حسنى....واتمدد واريح جســــمى


واهتف بعزيمه وعقيــــــــــدة .....تلاتين سته ثورة مجيده


ابقى مواطن من الشرفـــــــاء.....وتبقى حياتى وردى سعيدة


طيب واللى انا شوفته بعينى.....والطلقه اللى اخدها زميلى


والاف الشهدا اللى اتقتــــ...ـلوا ....برصاص حى وخرطوش ميرى

والحرس الجمهورى والنهضه......وكتير غيرهم ميادين شاهده

ان الجيش والشرطه الفاسده.....قتلوا الناس الراكعه الساجده

وبيوت الله اللى اتحرقـــــــــت......وارادة الناس اللى اتسرقت

وحقوق الناس اللى اتنهبــــت.....وسجون الظلم اللى اتفتحت

وبراءة المخلوع ونظــــــــــامه ....والتمهيد لرجوع ايـــــــــــامه

وتسليم الدوله لصبيـــــــــــانه ...وابادة المرسى واخوانـــــــه

اللى انا شوفته دمار وخـــــراب........مش ثورة لا ده انقــــــلاب

واللى يقول غير كده كـــــــداب ....عطشان و بيجرى ورا سـراب